ما الجديد
منتدى الصحراء للدفاع و الأمن

سجل حسابًا مجانيًا اليوم لتصبح عضوًا! بمجرد تسجيل الدخول، ستتمكن من المشاركة في هذا الموقع عن طريق إضافة مواضيعك ومنشوراتك الخاصة، بالإضافة إلى التواصل مع الأعضاء الآخرين من خلال صندوق الوارد الخاص بك

متابعة مستمرة عملية طوفان الاقصى و الإجتياح الإسرائيلي لغزة

ملخص الطوفان منقول

تحذير : هذا البوست فيه ايحاءات وألفاظ .. فلو بتتقمص متقراهوش.
.
.
الواحد فيهم اللى مش عاجبه الرجالة .. بالظبط بالظبط .. عامل زى اللي سايب اخته عايشة لوحدها فدخل عليها حرامي .. اخد شقتها كلها وحبسها في اوضة صغيرة .. وكل شوية يدخل يزنقها ويخرج ..
.
فاخته دي بتقاوم على قد ما تقدر .. لوحدها .. وهو عارف اللى بيحصل ومكسل ياخد توكتوك ويروحلها يخلصها من الحرامي..
.
فجأة .. اخته جابت اخرها وعرفت ان اخواتها مفيهومش راجل .. فنادت على واحد بينه وبين اخواتها مشاكل وخناقات علشان يخلصها من اللى هي فيه ..
الواحد دا لقاها فرصة يماركت لنفسه انه شهم وشجاع وبتاع .. وهو لا شهم ولا نيلة .. المهم رمالها سكينة من الشباك يمكن تعرف تعمل بيها حاجة..
.
يقوم ايه بقى؟!
اخينا اللى بنتكلم عنه يزعق لأخته .. انتي ازاي تخلي الواد اللى متخانقين معاه دا يساعدك .. نوشي ورنا للناس ازاي دلوقت!!
.
ومش كدا وبس .. دي استجمعت قواها .. واتشجعت اكتر ماهي شجاعة .. واستعانت بالله .. وقررت متستناش لما الحرامي يدخل عليها الاوضة .. اخدت السكينة .. بدراعها الهزيل .. وملابسها الممزقة .. وجروحها التي لم تلبث تلتئم .. وفتحت الباب وطااااااخ طيييييييخ طوووووخ .. ظبطت الحرامي حتة ظبطة متظبططتهاش نادية الجندي في خمسة باب..
.
يقوم اخوها يعمل ايه؟!
يروح يساعدها والحرامي جريح وبينزف كدا ؟!
توء توء .. يقعد يتفرج!!
لحد ما الحرامي استجمع قوته .. وجاب اصحابه .. ودخل عليها الاوضة نفخها ..
.
اخوها اتحرك؟!
طبعا .. قالها مانتي اللى جبتيه لنفسك .. ما كنتي تستني لحد ما يزنقك زي كل مرة وخلاص .. مش هيحصل حاجة !!
.
رجولة اخوها دا..
 
لا حزن على أبي إبراهيم فقد اختار محياه ومماته ومنزلته عند ربه ولم تكن أمانى بل سعى لها سعيا حثيثا وووفقه الله لتحقيق مراده
 
اسرائيل لن تتوقف حتى بعد السنوار فهي ترى انهم اصبحوا اقرب من اي وقت للاسرى ولفك شفرة الانفاق ولن يقوموا بأي صفقة..سيزيدون من شدة التدمير والقتل الى اقصى مدى قبل انتخاب الرئيس الامريكي الجديد..اتمنى فقط ان لايصلوا لهم
 
أما اللى بيخوضوا في دين الرجالة لتلقيهم دعم من ايران ..
فوالله .. والله .. مكسوفلهم سلف ..
ياخي والله انا مش فاهم ازاي انت مش مكسوف وانت بتقول كدا وانت اللى خذلتهم!!

مش هجيبلك كلام الامام ابن تيمية في تعامل اهل السنة مع الروافض لو كانوا في مواجهة مع كـاقر محارب .. هكلمك باسلوب مادي بحت..
.
معبتش ليه على مصر انها جابت اسلحة من السوفييت .. وما ادراك ما السوفييت .. علشان يحاربوا بيها الاختلال في 73 ؟!
طب ما تروح كدا تعيب على السعودية علشان سلاح الجو بالكامل قايم على اف 15 الامريكية .. افكرك باللى عملوه الامريكان في اخواتك السنة في ابو غريب؟! ولا في اقعانستان ؟! العراق اليمن ليبيا سوريا اقغانستان .. وسيب القوس مفتوح ..
.
والله مكسوفلك!!
 
المفاومة هي السبب في كل الموت والدمار؟!
.
بهدوء نتكلم.. في نقاط ..
.
- لو مكنش حصل كانت هتحصل حرب برضو .. ودي عادتهم .. كل كام سنة لازم يفرموا القطاع علشان يبقوا جنودهم في أعلى مستويات الجاهزية ويستنزفوا الرجالة.
- الحرب اللي قبلها على القطاع كانت لسة قريبة .. لما السيسي قال هيبعت 500 مليون دولار ( حوالي 25 مليار جنيه ) لاعادة الاعمار في مايو 2021.. علشان بس تستوعب حجم الدمار وقتها..
- بالمناسبة وقتها استخدموا الفسفور الأبيض والعالم بيتفرج.
- تقارير صحفية كتير من صحفهم اتكلمت عن ان خطوط امدادات اعادة الاعمار اللى دخلت من مصر من 3 سنين كانت مليانة تريلات محملة بالمواد الخام اللى الرجالة صنعوا منها الوقود الجاف الخاص بالصـ9!ريخ ..
- تقارير صحفية كتير اتكلمت عن تهريب مواد خام وأسلحة وذخائر من خلال أنفاق تعمل تحت أعين المخابرات المصرية .. ودا اللى رجعوا اكدوه تاني بعد اجتياح محور فيلادليفيا ..
- التقارير دي نشطت جدا في النص التاني من 2023 .. قبل العملية بشهور .. لدرجة اني وقتها كنت هكتب (( والله )) اننا على مشارف حرب..
.
.
طيب تعرف ان فيه مكان في صحراء النقب .. شيده الاختلال .. ومشهور باسم (( غرة الصغرى )) ؟!
مدينة مصغرة من غرة .. مش لتصوير الافلام زي مدينة الانتاج الاعلامي؟! لأ .. دي مدينة يتدربوا فيها جنودهم على مسح القطاع من على الخريطة .. حتى ان الد9يري في مرة علق على فيديو بثه افيخاي انه -غالبا-مفبرك في مدينة ديكورية .. المدينة الديكورية دي هي غرة الصغري وابحث عن اسمها علشان تعرف الحدوتة كاملة.
.
طيب هنا نفهم ان اللى حصل كان مسألة وقت.. وهيحصل هيحصل ..
كل الموضوع ان الرجالة اخدوا ضربة استباقية ..
.
طيب هل كانت الضربة موفقة؟!
جدا .. اللى حصل يوم 7 غير المعادلة تماما .. فضح الفنكوش اللى كانوا بيروجوا له .. الجيش الذي لا يقهر .. ومقلاع داوود .. والقبة الحديدية .. كله طلع بلح البلح..
و فوق دا كله .. فضحوا ضعف جيش الاختلال وعجزه عن مواصلة حربه ضد (( مجموعة مسلحة )) بدون دعم مستمر وخطوط امدادات لا تتوقف من اسلحة وذخائر وحتى مرتزقة ودعم لوجيستي واستخباراتي من امريكا وبريطانيا وغيرهم .. امال بقى لو دخلوا في حرب مع دولة هيحصل ايه؟!
.
.
ودا يفهمك ليه جيش الاختلال تمامه يعمل عمليات محدودة في جنوب لبنان .. مش حرب شاملة زي 67 مثلا .. وليه كل شوية يبعت رسايل لتجنيب الصدام المباشر .. اخرها الرسالة اللى بعتها لايران من خلال قصف صنعاء بقاذفة شبحية امريكية ..
لو دخلوا في مواجهة مع جيش نظامي هيتسوحوا ..
.
واحد هيقول بس الخسائر اللى حققناها في صفوف الاختلال يوم 7 لا تقارن باللي حصل بعد كدا ..
حبيبي دي نقطة اتفاق بيننا .. احنا مش مختلفين في كدا .. احنا ممكن نبقى مختلفين في هل الرجالة اخطأوا ولا لأ ..
.
الحقيقة ان التخطيط كان مبهر .. مش بس جيد ..
وكانوا مخططين لاعطاب سلاح الجو باستهدافهم القواعد الجوية .. لكن للاسف لسبب او لأخر المهمة مكتملتش ..
يوم 7 .. جيش الاختلال نقل الطيارات من القواعد على عربيات .. ناقلات برية .. وفيه فيديوهات كتير للكلام دا ..
.
فلو كانت الخطة انجزت للاخر كما خطط لها .. مكانوش هيعرفوا يقصفوا القطاع لمدة شهور قبل ما فرقة برية واحدة تقدر تدخل ..
.
دا قدر ربنا ..
وربنا بيقول (( وقل اعملوا فسيرى الله عملكم )) .. عملكم مش نتائج عملكم .. ربنا بيحاسبنا على العمل مش النتيجة ..
والدمار اللى حصل طال الرجالة وعائلاتهم .. التصور بانهم عايشين منعمين في سراديب مكيفة تحت الارض هم وعائلاتهم وباقي سكان القطاع هم اللى شايلين السواد فوق .. كلام فارغ وتصور مريض ..
اللى فوق الأرض هم اهالي اللى تحت الارض .. واللى فوق الارض هم نفسهم اللى تحت الارض .. بتلاقي الواحد فيهم لابس سكراب تمريض الصبح وبدلة ميري بالليل .. منهم فيهم ..
وانت بنفسك شفت استشـ8ـاد اولاد هنـ.ـية واحد ورا التاني .. وشفت بنفسك اكبر راس في الرجالة كلهم بيقابل ربه وهو فوق السطح بعد مواجهة دامت 6 ساعات ..
.
.
لعل قول سيدنا - صلى الله عليه وآله وسلم - يصيبهم .. لما قال (( لا يضرهم من خذلهم )) ..
المتخاذل في موقف زي دا بيجني على نفسه مش عليهم .. هم باعوا الدنيا واشتروا الاخرة خلاص .. مش فارق معاهم ..
 
حادثة انفجار سيارة في منطقة غوش دان تل آبيب



يجدر بالذكر تصاعد في حواث الانفجارات (السيارات) منذ حوالي شهرين , في مناطق المركز (وسط) وشمال , بينما تكتفي الأجهزة الاسرائيلية باستخدام وصف "طبيعة جنائية"
 
لعن الله دوله إسرائيل ومن ناصرهم ومن والهم ومن تعاطف معهم

حثالات شعوب اوربا وأوسخ خلق الله

يدعون انهم ابناء إسحاق وهم ابناء زنا ملاعين

مقاطع الفيديو تدمي القلب وتشيب الراس ولاحول ولاقوة إلا بالله
 
اما آن لهذه الحرب أن تنتهي من يمسك ملف غزة لا يهمه موت الأبرياء على يد الوحش النازي الجديد اسرائيل

أين الحكماء أليس فيهم رجل رشيد مايحدث كارثي يتم ابادة شعب غزة
سيكون التفاوض على الحجر مستقبلاً وهذا خطة الصهاينة لمن عنده عقل رشيد
 

المواضيع المشابهة

عودة
أعلى